Page:Ruffhead - The Statutes at Large, 1763.djvu/110

La bibliothèque libre.
Cette page n’a pas encore été corrigée
64 Anno sexto Edwardi I. A. D. 1278.  
STATUTA GLOUCESTR’
Statutes made at Gloucester, 4 Octobris, Anno 6 Edw. I. and Anno Dom. 1278.
Ex Rot. in Turt. Lond. m. 47.


LE an de grace MCCLXXVIII. e del regne le Rey Edward fiz le Rey Henri sisme a Gloucestre le mois de Aust purveaunt mesme le rei pur le amendement de sun reaume e pur plus plenere exhi- bicion de dreit si com le profit de office regal demaunde appelez les plus descrez de sun regne ausi bien des greindres cum des meindres. Establi est e concordaument ordeine qe cum mesme le regne en plusurs divers cas ausi bien de fraunchises com de autre choses en les que les avaunt lei failli e a eschuire les tresgress damages e les ment numbrables desheritesuns Les quels scel manere defaute de lei fist a la gent du reaume est mester de divers supplecions de lei e de noveles purveaunces e les estatuz ordeignemenz e purveaunces suz escrites de tute la gent del regne desoremes fermement soient gardez. Cum Prelatz Cuntes Baruns e autres del regne cleiment aver divers fraunchises a les quels examiner e sugger le Rey a mesmes ceus Prelats Cuntes Baruns e autres aveit done jour purveu est e concordaument graunte qe les avaunt- ditz Prelatz Cuntes Baruns e autres tels manere de fraunchises usent issint qe rien ne sur acresse par usurpa- cion ou occupaciun ne ren sur le Roi occupent desqe a la procheine venue le Rei par le counte ou a la pro- cheine venue de Justices erraunz a comuns plez en mesme le counte ou desqe le Roi comaunde autre chose sauve le dreit le Roi cum il envodra parler solom ceo qe il est cuntenu en le bref le Roi. E de ceo soient maunde brefs as Viscuntes Baillifs e autres per chescun demaundaunt e seiz la forme del bref chaungee solom la diversete dez fraunchises les quels chescun cleime aver. E les Viscuntes par tutes sur baillies ferunt communement crier ceo est asaver en cites en burgs en viles marchundes e aillours qe tuz ceus qi aucunes fraunchises cleiment aver par les chartres les predecessurs le Roi Reis de Engleterre ou en autre manere seient devaunt le Roi ou devaunt justices en eire a certeins jour e leu a mustrer quel manere de fraunchises il cleiment aver e par quel garaunt. E les viscuntes meimes dunqes ferrunt iloeqes personenment od lur baillifs e sur mentstres a certifier le Roi sur les avauntdites fraunchises e autres choses qe celes fraunchises touchent. E ceste criee devaunt le Rei cunteigne garnisement de treis semeines. E mesme la manere se- runt les viscuntes crier en eire de justices. E en mesme la manere ferrount il personenment od. lur baillifs e lur mintstres a certifier les justices de tel manere de fraunchises e de autre choses qe celes fraunchises touchent. E ceste criee conteigne garnisement de quaraunte jours si com la commune somonuse content issi qe si la partie qe cleime aver fraunchife seit devaunt le Roi ne seit pas mis en defaute devaunt les Justices en eire pur ceo qele Roi de sa grace especiale ad graunte qe il garder la partie de damage quaunt a cet ajornement. E si cele partie seit en plai sur tels manere de fraunchises devaunt une peire de Justices avauntdiz mesmes les Justices devaunt les quels la partie est en plai garderount la partie de damage devaunt autres Justices E le Rei devaunt lui mesmes mes qe il sache par les Justices qe la partie fust en plai devaunt eus si com il est avauntdit. E si cels qi tels fraunchises cleiment aver ne viegnent al jour avauntdit dunqes soient les fraun- chises en nun de destresse pris en la main le Rei par le viscunte del liu issi qe il tel manere de fraunchifes ne usent defqe il viegnent a receivre dreit. E quaunt il veinent par cele destresce sur fraunchises lur seient. replevies si il les demaundent les quels replevies respoignent meintenaunt en la forme avauntdite. E si par aventure les parties exceptent qe il ne deivent nent de ceo respundre saunz bref original dunqe si il pusse estre seu qe eus de sur propre set eient usurpe ou ocupe aucunes fraunchises sur le Rei ou sur ses predecessors dit lur sert qe meintenaunt respoignent saunz bref e pus receivent jugement si com la Curt le Rei agardera. E si il dient outre qe sur auncestre ou lur auncestres de meismes les fraunchises morurent seisis soient oiz e meintenaunt seit la verite enquise e solom ceo aillent les justices avaunt en la besoigne. E si il sert trove qe lur auncestre en morust seisi dunqes est le Rei bref original de sa chauncelerie en la forme fete de ceo Le Rei maunde saluz au viscunte sommonez par bons somonours un tel qe il sert devaunt nus a ten lieu en nostre procheine venue en eel Cunte ou devaunt nos Justices a primeres assises cum il en celes parties vendrount a mustrer par quel garaunt il cleime aver quitaunce de tonnue pur sei ou ses hommes par tut nostre resume par continuacion apres la mort tel jadis fun prédécessour. E eiez les somonurs e ceo bref. E si les parties viegnent al sur respoignent e seit replie e juge. E si il ne viegnent ne se effoignent devaunt le Rei e le Rei demoerge outre en eel Cunte sert comaunde al viscunte qe il les face venir al quart sur al quel sur si il ne viegnent e le Roi demoerge outre en cel Cunte seit set si com en eire des Justices. E si le Roi departe del cunte seient les parties asprnees a bref jor e eient renables delais jousye les descretions des justices si cum en actions personeles. E les justices en eire facent de ceo en lur eires solom le ordeinement avauntdit e solom ceo qe tel manere de plez deivent estre dedut en eire. De pleintes fetes e a fere des baillifs le Rei e de autri baillifs seit set solom le ordeinement avaunt set de ceo e folom les enquestres de ceo avaunt prises E de ceo

frunt les Justices en eire solum ceoqe le Rei lour ad enjointe solum les articles qe le Roi sur ad liveje[1]

CAP.
  1. See the Statute of Quo Warranto, fol. 70.