deſtrure. Purveu eſt enſement, que nul graund ne petit, per colour de [1] parent, ou de eſpecialte, ou de autre affiance, ne per autre encheſon, ne courge en autre Park, ne ne peſche en autri viver, nen viegne mangier, ne herberger en Manoir, ou en meſon de Prelat, ou homme de religion, ou de autre, encountre la volunte ou le congie le Seignur, ou de Bailliff, ne al coſt le Seignur de la einz, ne a ſon coſt demeſne. Et ſil viegne, & entre per le gree, ou ſaunz le gree le Seignur, ou le Bailliff, nule ſerure, us, ne feneſtre, ne nulle manere de fermure, ne face overir, ne depeſſer, ne per ſey ne per autre, ne nulle manere de vitaille nautre choſe ne preigne per colour de achat, nautrement. Et que nulle ne face batre bledz, ne prendre bledz, ne nulle manere de vitaille, ne les autres biens de nulle Prelat, homme de religion, perſon, ne dautre, ne de Cleric ne de lay, per colour dachat, nautrement, encountre la bone volunte & la congie de celui a qi la choſe ſerra, ou le gardein, dedeinz ville Marchande ne dehors. Et qe nul ne preigne chivals, ne boeſs, chars, charettes, neefs ne bateux, affair cariage ſaunz la bone volunte de celui, a qi les choſes ſerront; et ſil per la bone volunte de celui le face, lors maintenant face ſon gree ſelonc le covenant fait entre eux. Et ceux qi vendront encountre les eſtabliſhementz avauntditz, ſi [&] de ceo ſoient atteintz, ſoient ajugez a la priſone le Roi, & deilloeques reinte ſelonc la quantite & la manere del treſpas, ſelonc ceo qe Roi en ſa Court verra que bien ſoit. Et fait aſſavoir, qe ſi ceux a qi le treſpas eſt fait, vodront ſuire le damage qil averont, lors ſerra agarde & retourne al double. Et ceux qe le treſpas averont fait, ſoient enſement puniz a la manere avauntdite; Et ſi nul ne voille ſuire, le Roi eit la ſuite come de choſe faite encountre ſon defens, & encountre ſa pees: & le Roi fra enquere de an en an, ſicome il quidra qe bien ſoit, quels gentz eient tiel treſpas fait; & ceux qi ſerront enditez per ceux enqueſtes, ſerront attachez & diſtreintz per la graunt deſtreſſe, de venir au certein jour, que contiegne leſpace dun moys, en la Court le Roi, ou la ou lui plerra. Et ſi ceux ne viegnent a eel jour, ils ſerront derechief deſtreintz per meſme le deſtreſſe, a vener a un terme qe contiegne vi. ſemaignes. Et ſi ceux adonqes ne viegnent, ſoient jugez come atteintz, & rendont le double, per la ſuite le Roi, a ceux qi le damage averont reſceu, & ſoient grevement rcintz, ſelonc le manere del treſpas. Et le Roi defende & comande, qe nul deſoremes ne face mal, ne damage, ne grevance a nul homme de religion, perſone de feint egliſe, ne autre, per acheſon de ceo qils eient denie le hoſtiel, ou le manger a nuly, ou per encheſun de ceo qe ascune ſe pleint en court, de ceo qil ſe ſent greve des aſcuns des choſes avantdites: Et ſi nul le face, & de ceo ſoit atteint, ſoit encoruz la peine avauntdite. Et eſt purveu, qe les points avantdits lient auxibien nos counſeillers, Juſtices des foreſtes, &
autres nos Juſtices, come autres gentz. Et que les pointz avantditz ſoient mieux tenuz, & gar-
- ↑ Forteparent
