dez: Si defende le Roi, ſur ſa grave forfaiture, que nul Preiat, Abbe, homme de religion, ou bailliff daſcun deux, ou autre, ne receyve nul homme encountre la fourme avantdite. Et qe nul nenvoie, a meiſon, ne a Manoir de religion, ne dautre homme, gentz, chivalx, ne chiens, ne nul ne les reſceive; & qi le fra, purceo qe ceo eſt encountre la defens & le comandement le Roi, il ſerra puny grevement. Unqore eſt purveu, qe Viſcontes ne herbergent ove nullui, ove pluis qe ove cink ou ſis chivalx; ne qil ne grevent la gent de religion, ne autres, per lour ſovent venir, ou giſer a lour meſons, ne a lour Manoirs.
Urveu eſt enſement, qe quant Clerc eſt prispur
ret de felonie, & il ſoit demande per le ordinari,
il lei ſoit livere, ſelonc le privilege de ſeinte egliſe,
en tiele parile come il y apent, ſelonc la
cuſtume avant ces heures uſe. Et le Roi amoneſt
les Prelates, & lour enjoint en la foy qil luy deivent,
& pur le comune profit de la pees de la terre,
qe ceux qi ſont enditez de tiel rette per ſolempne
enqueſt des prodes hommes fait en la Court le
Roi, en nulla manere ne deliverent ſanz due purgation,
iſſint qe le Roi neit mieſtre de raettre y
autre remedie.
Urveu eſt enſement, qe nul rien deſoremes ne ſoit demaunde, ne pris, ne leva per Viſcont, ne per autre, pur eſchape de laron, ou de felon, jeſqes atant qe leſchape ſoit ajugge per juſtices errantz: & qe autrement le fra, ſi rendera a celuz ou a ceux qe laveront paie, quant qil auera receu, & al Roi atant.
E wrek de meer eſt acorde, qe la ou hommes
chien, ou chate eſchape vif hors de la nief,
qe la nief ou le batel, ou nid rien qe leins ſuiſt,
ne ſoit jugge a wrek; mes ſoient les choſes ſavez
& gardez per la veue del Viſcount, del coroner,
& de Balllif le Roi, en la main de ceux de la
ville, ou les choſes ſont trovez; iſſint qe fi nul
ſiwe ceux biens, & puis provere qils ſoient ſoens,
ou a ſon ſeignur, ou en ſa garde periz, dedeins
lan &le jour, ſaunz delaie luy ſoient renduz; &
ſi non, remeinent al Roi, & ſoient priſes per le
Viſcount, & le Coroner, & Baillif a la ville, a
reſpondre devant Juſtices, de wrek qe apent al
Roi; & la ou virek apent a autre qe al Roi; ſi le
