Provèrent à la cort de Romme.
Mult est musars[1] qui Dieu ne croit
Et cil mauvès qui se recroit
De celui Seignor criembre et croire
Qui nule foiz ne set recroire
D’acroistre cels qui en lui croient ;
Dont sont cil fol qui se recroient,
Qu’au Créator merci ne crient.
Cil qui de cuer vers lui s’escrient,
S’il ont el créator créance,
Endroit de moi, je croi en ce[2]
Que lor lermes, lor plor, lor criz,
Ou David ment et ses escriz,
Seront en joie converti ;
Et cil seront acuiverti
Qu’adès acroient sor leur piaus,
Quar li paiers n’ert mie biaus.
Ceste dame, qui en Dieu crut,
Qui sor ses piaus guères n’acrut[3],
Se dut bien vers Dieu apaier,
Quar de légier le pot paier.
Or, dit l’estoire ci endroit,
V. anz avoit d’aage droit
Elysabel, la Dieu amie,
Qui fille ert au roi de Hongrie[4],
Quant à bien fère commença.
Page:Rutebeuf - Oeuvres complètes, recueillies par Jubinal, tome II, 1839.djvu/167
Le texte de cette page a été corrigé et est conforme au fac-similé.
160
LA VIE SAINTE ÉLYSABEL.
