Ou apostole, ou arcevesque[1]. »
Théophilus li desvoiez,
Li durféuz, li fauvoiez[2],
Congié a pris, si s’en repaire
Tout coiement à son repaire.
Landemain, luès c’anuitié[3] fu[4],
Com cil qui est espris du fu
Qu’avoit souflé li anemis,
Tous seus au chemin se r’est mis ;
Chiés le Juis s’en vient tout droit,
Qui moult grant feste en fait luès droit[5].
Assez le baise, assez l’acole.
Jà le menra à tele escole
Où malement iert escolez :
« Ne soiez tristes n’avolez[6],
Fait li Juis, biax douz amis :
Je me sui jà tant entremis
Et tant pené de vostre afaire
Que monseignor ferai tot faire[7]
Quant qu’oserez de boche dire.
Par moi vos salue mes sire,
Et par chierté vos a mandé,
Et m’a bien dit et commandé
Et si m’en a tenu moult cort,
Que je vos maing véoir sa cort
A la grant feste qu’il demainne. »
Li desloiaux à tant l’enmainne
A mienuit[8] fors de la vile ;
Bien le deçoit et bien le guile :
Li lierres l’i boute en corroie ;
Bouter l’i fait en tele roie
- ↑ Il faut remarquer que ce sont ici presque textuellement les paroles de Rutebeuf dans son Miracle.
- ↑ Homme qui marche dans de fausses voies, fourvoyé.
- ↑ Ms. 7987. Var. C’ajorné.
- ↑ Ce vers manque dans le Ms. du fonds de Saint-Germain.
- ↑ Ms. 7987. Var. Qui lors mout grant joie faisoit.
- ↑ Ms. 2710. Var. Ne dolez.
- ↑ Ms. 2710. Var. Vous ferai faire.
- ↑ Le Ms. 2710 du fonds de La Vallière et le Ms. 7306 portent : « Au théâtre fors de la ville, » et celui de l’Arsenal : « As cans trestout fors, etc. »
