Quant concience li défaut
Toz ses droiz senz li est failli :
Quant il plus set, plus est bailliz ;
Quant il plus set, plus se mesfet,
Se bien n’enseingne et bien n’en fet.
Concience, s’en est la some,
Est li forz frains dont li preudome
Sont refrené et retenu.
Ne voi si vieil ne si chenu,
S’il n’a cest frain, si Dex me saut,
Qui tost n’ait fait un mauvès saut.
Téophillus mal saut sailli,
Quant concience li failli,
Et luès que Diex li renvoia
A droit chemin se ravoia.
Théophillus, quant se porpense
Du grant forfet[1] et de l’offense
Qu’a fet à Dieu et à sa Mère,
De mainte lerme chaude et clère
Esleve et arouse sa face.
Si grant duel a, ne set qu’il face ;
Mult a grant duel, mult a grant ire ;
Sovant plore, sovant soupire ;
Maint sopir giete et mainte lerme.
Ne garde l’eure ne le terme
Que vif déable estranglé l’aient
Ou enfer tout vif l’entraient.
Dont se reprent à Diu proier
Et se remet à Diu ourer[2].
Lors se reprant à jéuner,
Lors se reprent à aüner
Povres gens et povres malades ;
Lors li r’est douz, lors li r’est sades
Mal lessier et bien à fère ;
Lors li est douce l’aspre hère,
Lors li est douce decepline.
De plorer ses péchiez ne fine
Ne jour ne nuit, ne tart ne tempre ;
Saint Espérites li atempre
Page:Rutebeuf - Oeuvres complètes, recueillies par Jubinal, tome II, 1839.djvu/298
Le texte de cette page a été corrigé et est conforme au fac-similé.
291
ET ÉCLAIRCISSEMENTS.
