A toi servir doit chaucun core,
Haute pucelle, soir et main.
Se vivre puis jusqu’à demain,
Je te ferai si grant henneur
Et l’anemi tel deshenneur
Que tout mon errement dirai
En plainne église et géhirai[1].
Ce fut la nuit du samedi
Que Nostre-Dame li rendi,
La Dame d’umaine nature[2]
Qui tant est douce, nete et pure,
La chartre de perdicion.
Li las par grant dévotion
L’en mercia à tot le mains
Plus de mil foiz à jointes mains.
A lendemein sanz demorée,
Face moilliée et esplorée,
Théophillus sa chartre a prise.
Plorant vient à la mère église,
Où l’esvesque chantoit la messe.
De gent il treuve mult grant presse
Si com au jour du diemeinne.
Saint-Espérites, qui l’enmeine,
Jusqu’à l’autel le meine droit :
As piez l’évesque chiet luès droit.
Quant l’Évangile fu léue
En audience a connéue
Sa destinée[3] et sa purté.
N’est nus, tant éust de durté,
S’il n’entendit, qu’il ne plorast
Et le douz Dieu n’en aourast,
Où tant a de douce douçor
Que mort ne velt du péchéor,
Ainz velt sa glorieuse grâce,
Qu’il se convertisse et bien face.
Théophillus de chief en chief
Sa destinée et son meschief
En soupirant conte et récite
Page:Rutebeuf - Oeuvres complètes, recueillies par Jubinal, tome II, 1839.djvu/316
Le texte de cette page a été corrigé et est conforme au fac-similé.
309
ET ÉCLAIRCISSEMENTS.
