Page:Rutebeuf - Oeuvres complètes, recueillies par Jubinal, tome II, 1839.djvu/453

446

ADDITIONS.

elefantes, dromedarii, cameli, ipotami, crocodrilli, metagallinarii, cametetrinis, tinsirete, pantere, onagri, leones albi et rubei, ursi albi, merule albe, cicades mute, grifones, tigres, lamie, hyene, boves agrestes, sagittarii, homines agrestes cornuti, fauni, satiri et mulieres ejusdem generis, pigmei, cenocefali, gigantes quorum altitude est sexaginta cubitorum, monoculi et Cyclopes, et avis que vocatur Fenix, et fore omne geus animalium que sub celo sunt. Terra nostra mel fluit, lacte habundat. In alia terra nostra nulla venena nocent nec garulla rana coassat ; scorpio nullus ibi nec serpens serpit in herba ; venenata animalia nec possunt habitare in eo loco, nec aliquem ledere. Inter paganos per quandam terram transit fluvius qui vocatur Idonus. Fluvius iste, de Paradiso progrediens, expandit sinus suos per universam provinciam illam diversis meatibus ; et ibidem inveniuntur naturales lapides smaragdi, carbunculi, saphiri, topazii, crisoliti, onichini, berilli, ametisti, sardinei, et plures alii preciosi lapides. Ibi nascitur herba que vocatur affidios, radicem cujus si quis super se portaverit, aereum spiritum effugat, et cogit eum dicere quid sit vel unde sit et nomen ejus. Quare immundi spiritus in terra illa neminem audent invadere. In alia quadam provincia nostra universum piper nascitur, et colligitur quod in frumentum et in annonam commutatur et corium et pannos. Est autem terra illa nemorosa admodum salicti plena per omnia serpentibus ; sed, cum piper maturescit, veniunt universi populi de proximis regionibus, secum ferentes paleas, et stipulas et ligna aridissima quibus cingunt totum nemus undique ; et, cum ventus vehementer flaverit, ponunt ignem intra nemus et extra ne aliquis serpens extra nemus exire queat ; et sic omnes serpentes