Le texte de cette page a été corrigé et est conforme au fac-similé.
ŒUVRES
COMPLÈTES
DE RUTEBEUF.
L’Ave-Maria Rustebeuf[1].
Ms. 7218.
A toutes genz qui ont savoir
Fet Rustebues bien asavoir
Et les semont :
Cels qui ont les cuers purs et mont
Doivent tuit déguerpir le mont
Et débouter ;
Car trop covient à redouter
Les ordures à raconter
Que chascuns conte.
C’est vérités que je vous conte :
Chanoine, clerc, et roi, et conte
Sont trop aver ;
N’ont cure des âmes sauver,
Mès les cors baignier et laver
Et bien norrir ;
Car il ne cuident pas morir
Ne dedenz la terre porrir ;
Mès si feront,
- ↑ Ce genre de pièce est très-fréquent chez les poëtes du moyen âge ; il y a dans le seul Ms. 7218 : L’Ave-Maria en français, La Patenostre en français, Le Credo à l’Userier, etc.
