Cette page a été validée par deux contributeurs.
83
LE MIRACLE DE THÉOPHILE.
Maugrez qu’il en puissent avoir
Vous ferai vostre honor r’avoir.
Revenez demain au matin.
théophiles.
Volentiers, frère Salatin.
Cil Diex que tu croiz et aeures
Te gart, s’en ce propos demeures !
Or se despart Théophiles de Salatin, et si pensse que
trop a grant chose en Dieu renoier et dist :
trop a grant chose en Dieu renoier et dist :
Ha, laz ! que porrai devenir ?
Bien me doi li cors dessenir
Quant il m’estuet à ce venir.
Que ferai, las ?
Se je reni saint Nicholas,
Et saint Jehan, et saint Thomas,
Et Nostre-Dame,
Que fera ma chétive d’âme ?
Ele sera arse en la flame
D’enfer le noir :
Là la convendra remanoir.
Ci aura trop hideus manoir,
Ce n’est pas fable,
En cele flambe perdurable
N’i a nule gent amiable,
Ainçois sont mal qu’il sont déable,
C’est lor nature ;
Et lor mesons r’est si obscure
C’on n’i verra jà soleil luire,
