Page:Société agricole et scientifique de la Haute-Loire - Mémoires et procès-verbaux, 1881-1882, Tome 3.djvu/282

273

établissement des minimes à brioude

juré entretenir, de bonne foy, en les constituant par les dicts sieurs du chappitre, vrais seigneurs et maistres utils, propriétaires et pocesseurs, comme de leur chose propre ; et s’en sont desmis, et en ont saisi, vettu, faict, et constitué lesdicts religieux et les leurs, appropriés et transféré tout droict de propriété, pocession et saisine ; cognoissent et confessent, tout ce qu’ils en tiendront doresnavant, le tenir, porter et joyr sy apprès, au nom de précaire, proffict et utillité desdicts sieurs relligieux ; et ont promis garantir et défendre lesdictes choses sy dessus, envers et contre touts, de touts troubles et empeschement en jugement et ils ont dict, vollu y ettre contraincts par toutes voyes de justice, dheues et raisonnables ; et ad ce fere obligez ; et ypothequer, par les dicts sieurs comptes et chappitre, les biens d’icelluy ; et les dicts pères, les biens du dict couvent : rentes, droits, revenus ; le tout soubs le bon plaisir de nottre sainct père le pape, à la sainctetté duquel les parties prétendent recorir, pour l’authorisation et confirmation du présent contract et de ce qui dépend d’icelluy ; et à cette fin constituent leur procureur respectif… procureurs et postullants (sic) en cour de Rome pour en suplier et requérir sa sainctetté ; promettans avoyr agréable tout ce que par eulx y sera faict, et les en garder indenpnes, laquelle authorisation et esmologation, tant du présent contract et que aultre, passé entre les dicts sieurs comptes et chappitre, avec les chorriers et universitté de l’escolle de la dicte esglise, pour l’union des prébandes portées par ledict contract, par lequel lesdicts chorriers sont randus demy prébandiers, date du XXIIII^e jour de apvril mil cinq cens quatre vingt dix huict, receu et signé, par feu M^e Julhen Pradon et moy Chaudon, l’un des nottaires soubssignés. Les religieux seront teneus de fere fere, à leur dilligence, fraicts et poursuittes, le plus tost que fere se pourra, et en balher les bulles et expéditions de court de Rome, en bonne et dheue forme, esdicts sieurs du chappitre. Et c’est moyennant la somme de cent cinquante livres, que les dicts sieurs du chappitre on promis payer esdicts religieux, lors de la deslivrance des dictes expéditions.