Page:Société des amis des sciences, de l’industrie et des arts de la Haute-Loire - Mémoires et procès-verbaux, 1878, Tome 1.djvu/39

La bibliothèque libre.
Cette page a été validée par deux contributeurs.
24
mémoires

ce discours, je supplyerai très humblement Vostre Majesté qu’ayant esté contrainct en l’année 1589 pour conserver ce pays en vostre obéissance m’ayder de vos deniers de l’ayde, octroy, pour entretenir les gens de guerre qu’estoient en yceluy, pour lesquels les comptables commis par moy à la recepte et despenses desditz deniers, sont travaillés par Messieurs des Comptes et trésoriers de France de Languedoc, pour la diversion de l’ordre de vos finances qu’ilz y treuvent ; ores que je vous atteste du fidelle maniement d’icelles, et comme il plaira à Vostre Majesté faire voir à son conseil l’estat au vray que je vous envoye, il vous plaise icelluy valider, et autoriser à ce que lesdictz comptables et moy en soyons valablement deschargez, suivant ce que par vos précédentes a pleu à Vostre Majesté m’en accorder.

Et sur ce prieray Dieu, sire, que luy plaise vous donner en santé et très longue et très heureuse vie l’accomplissement de voz désirs.

De Polignac ce XIIe de febvrier 1592. — Chaste.


Sire, je supplie aussy très humblement Vostre Majesté vouloir accorder au lieutenant principal de cette sénéchaussée et au receveur Roqueplan, personnages qui m’ont toujours assisté et exposé vie et biens pour vostre service, l’appoinctement de la juste requeste cy incluse, aux piéces attachées de laquelle Vostre Majesté verra copie du serement qu’on a faict faire à ceux qui de vostre service se sont révoltés à la Ligue pendant la tresve, et si Vostre Majesté est en volonté de pourveoir à l’estat de séneschal de Gévauldan, que luy plaise se souvenir du sieur de Sénenghoul, suivant ce que par ses précédentes m’en a pleu asseurer.

(Bibl. nat. Fonds Dupuy, t. 61, n°160).