et que Pourquoy les Ethiopiens et autres sont de couleur noire. icelle couleur prouient d’adustion superficielle causée de la chaleur du Soleil, qui est cause aussi qu’ils sont fort timides. La chaleur de l’air ainsi violente tire dehors la chaleur naturelle du cueur et autres parties internes : pourquoy ils demeurent froids au dedans, destituez de la chaleur naturelle et bruslez par dehors seulement : ainsi que nous voyons en autres choses adustes et bruslées. L’action de chaleur en quelque obiect que ce soit, n’est autre chose que resolution et dissipation des elemens, quâd elle perseuere, et est violente : de maniere, que les elemens plus subtilz consumez, ne reste que la partie terrestre retenant couleur et consistence de terre, comme nous voyons la cendre et bois bruslé. Donques à la peau de ce peuple ainsi bruslé ne reste que la partie terrestre de l’humeur, les autres estans dissipées, qui leur cause ceste couleur. Ils sont, comme i’ay dit, timides, pour la frigidité interne, car hardiesse ne prouient que d’une vehemente chaleur du cueur : qui fait que les Gaulois, et autres peuples approchans de Septentrion, au contraire froids par dehors pour l’intemperature de l’air, sont chauds merueilleusement au dedans, et pourtant estre hardis, courageux, et pleins d’audace.
Pourquoy ces Noirs ont le poil crespe, dents blanches, grosses leures, les iambes obliques, les femmes incontinentes, et plusieurs autres vices, qui seroit trop long à disputer, parquoy ie laisseray cela aux philosophes, craignant aussi d’outrepasser noz limites. Venons donc à nostre propos. Ces Ethiopes et Indiens[1]
- ↑ Lire sur les pratiques magiques des griots ou féticheurs du
