Emicat, uda, recens, succoque imbuta tenaci
Cartha refert jussas, bibulâ compage, figuras
Et gemino facunda facit commercia mundo.
Francigenæ libeat gazas expromere linguæ ?
An Romam, veteres-ne velis revisitere Athenas ?
Obsequimur, Regis-ne extollere nomen ad astra ?
Hæc est præcipui pars non postrema laboris.
Hoc unum, quod non jubeas, tua dicere facta
Annue, & æternis nomen transmittere fastis.
ALIUD SYMBOLUM.
O Nemus, ô dulces illæsis frondibus umbræ,
Vos Martis, Phœbique sacrum inspiratis amorem.
Huc Oratores, huc accelerate Poëtæ,
Phœbo neglectos Heliconis linquite saltus,
Purior hic aër, mollique Favonius aurâ
Instillat placidi vitales ætheris haustus,
Infunditque novos ad Carmina vatibus ignes.
Unde venit sed tantus honos & gratia Sylvæ ?
An sibi furtivos insueto tramite calles
Atque novum Permessus iter tellure sub ima
Quæfierit, plantasque salubribus irrigat undis ?
Hâc ego crediderim terrâ latuisse sepultos
Aut Vaugelafi cineres, cineresve Malherbæ.
Fallor, inest nemori numen, non Sylva virescat
Laurea, nascentis radius nisi Solis inauret,
Nec spatium breve veris habet, non fluxa caducas
Illacrimabit opes, nec hyems invisa, nec Eurus
Decutiet longos intactæ frondis honores.
Non alibi crescat lauri felicius umbra.
Docta renaccentes trahit unde Trivortia gazas ?
Unanimes hic certa fovent commercia Musæ,
Doctorum hic aureis sculpuntur nomina chartis,
Hic emendatæ surgit nova gratia linguæ.
