Le texte de cette page a été corrigé et est conforme au fac-similé.
LE RESPECT TYRANNIQUE.
SONNET.
L n’eſt point de tourment pareil à mon martire,
Vn Obiect tout Diuin me force à l’adorer ;
Et le voulant ſeruir, ie voy que ie deſire
Des honneurs qu’vn mortel ne doit pas eſperer.
Qu’est-ce qu’en ma douleur ie puis deliberer,
Lors que traictant mon Ame auec vn meſme Empire,
L’Amour & le reſpect de peuuent endurer
Que ie cele mon mal, ny que ie l’oſe dire ?
Dans les extremitez de ceſte paßion
Dont l’ardeur est eſgale à la diſcretion,
Appren moy ma Raiſon, quel conſeil ie dois ſuiure ?
Sans eſpoir de ſecours ie ſouffre nuict & iour,
Et quand ie veux mourir, ie ſuis contraint de viure
De crainte que ma mort parle de mon amour.
