habiteors jusques aujord’ui ; c’est asavoir : Luiserne, Venthouse[1], Capparra[2] et Adama[3].
[4]Touz les temples et toutes les ydoles des Sarrazins que il trova en Espaigne destruit de tout en tout, fors une tant seulement qui est en la terre de Landaluf ; si a non Salancadis, si vaut autant à dire come li diex de Cadis, car cit moz Cadis si est mis pour le propre non du lieu, et Salam, en Arabie, si vaut autant come Diex. Si dient li Sarrazins que lor diex Mahomez fist cele ymage en son propre non quant il vivoit, et enclost et seela dedenz une legion de deables, par l’art de nigromance, qui cele ymage tienent en si grant force que nus ne la puet fraindre ne brisier, et se aucuns crestiens aproche près, tantost muert, ou il est en grant peril de mort[5]. Mès se aucuns Sarrazins i aproche, il s’en retorne sains et haitiez. Se aucuns oisieus si asiet par aventure, tantost muert. Si volons ici deviser le siege de cele ymage. Sor le rivage de cele mer est une haute pierre, moult bien ovrée d’anciene ovre sarrazinoise, large et quarrée par desouz et par desus estroite et haute, tant haut come uns corbiaus puet voler. Sor cele haute columbe est cele ymage, sor ses piez, en
- ↑ Luiserne et Venthouse ne formeraient qu’une seule ville, Lucerna Ventosa. Cf. Joseph Bédier, op. cit., p. 160.
- ↑ Capparra serait une ville romaine dont les ruines subsistent sur la route de Salamanque à Mérida (J. Bédier, Ibid., p. 160, n. 1).
- ↑ Adama. Le pseudo-Turpin a probablement compris, au milieu de villes espagnoles, la ville d’Adama en Palestine, qui fut détruite en même temps que Sodome, Gomorrhe, Séboïm et Segor.
- ↑ Turpini historia Karoli magni, chap. iv (éd. F. Castets).
- ↑ Le texte latin dit seulement : « Statim periclitatur. »
