poinz avoit si forz que il estendoit legierement iiii fers de cheval touz ensemble. Un chevalier armé levoit de terre sor la paume, jusques à son chief, à un seul braz. Par raison habundoit en parole, en jugemenz très droituriers, très larges en dons.
En Espagne, tant com il i demora tenoit chascun an feste pleniere et portoit ceptre et corone à iiii sollempniez festes, au Noël, à Pasques, à Penthecoste et le jor de feste saint Jaque, et fesoit tenir s’espée toute nue devant son throne, selonc la maniere des anciens empereors. Pour son cors garder, veilloient chascune nuit vixx home, preudome et loial. Li xl fesoient la premiere vigile de la nuit, x au chevez, x aus piez, x à destre et x à senestre ; si tenoit un cierge ardant. Tout en cele maniere fesoient li autre xl la seconde vigile de la nuit, et li autre xl, la tierce, jusques au jor.
Qui toz vorroit raconter ses faiz et ses merveilles, avant faudroit mains et pane[1], que l’estoire ne feroit. Mais, en la fin, nous covient raconter coment il retorna en France et la grant meschauance qui li avint de ses barons en Roncevaus, par la traïson du traitor Ganelon.
- ↑ Pane, peau, c’est-à-dire la matière propre à faire le parchemin, « sed si quem magna ejus gesta amplius audire delectaverit, enarrare nobis magnum est et onerosum ».
