Page:Viard - Grandes chroniques de France - Tome 3.djvu/51

La bibliothèque libre.
Le texte de cette page a été corrigé et est conforme au fac-similé.

que il ne receust les guerres et les batailles quant eles li sordoient. Si sages et si discrez estoit en recevoir le tens si com il venoit, que ja pour ce ne fust plus alevez en son cuer pour ses granz victoires, ne plus maz ne plus confus pour nule adversité.

[1]La tierce de ses batailles si fu en Espagne et en Gascogne, en ce maisme tens que cele de Saisoigne duroit, moult efforciement mut et trespassa les monz de Pirene, chastiaus et citez prist par tot là où il torna, puis retorna en France o tot son ost, sauf et entier, se ne fust un poi de meschief qui li avint en son retor, au trespasser les monz, par la malice des Gascons.

[2]La quarte de ses batailles, si fu contre les Bretons qui habitent en une partie de France, par devers Occident, sor la grant mer. Car en ce tens n’estoient pas obeissant au roiaume de France (ja soit ce que nous truissons escrit aus gestes du roi Dagobert le premier, que li rois de cele Bretaigne, qui avoit nom Judicail, li fist homage de tot son roiaume[3]). En cele besoigne envoia li rois Karlemainne aucuns de ses princes qui la terre mistrent en sa subjection.

[4]La quinte de ses batailles, si fu en Ythalie, en Puille, et en Kalabre et en terre de Labor contre le duc Ara-

  1. Éginhard, Vita Karoli Magni, chap. ix.
  2. Éginhard, Vita Karoli Magni, chap. x. Cette expédition contre les Bretons eut lieu, d’après les Annales d’Éginhard, en 786, ainsi que l’expédition contre Arachis, duc de Bénévent.
  3. Cette phrase comprise entre parenthèses est de l’auteur des Grandes Chroniques. Voir t. II, p. 165.
  4. Bien que ce paragraphe soit dans le manuscrit rattaché au chapitre iii, il doit cependant, d’après les sommaires des chapitres donnés en tête de ce livre, appartenir au chapitre ii, puisqu’on annonce cinq batailles dans ce chapitre et quatre dans le chapitre iii.