la vile prist[1], le païs degasta et puis retorna à Pampelune. Les murs en fist craventer jusques en terre pour ce que plus ne se peust rebeller. Lors prist à retorner en France ; en une forest entra qui siet sor les monz de Pyrene. Ou plus haut lieu de ces montaignes orent li Gascons basti un embuschement, et quant li oz fu auques outre passez, il se ferirent soudainement en l’arieregarde[2]. Tot furent estormi et toz li oz raempliz de noise et de temoute. Et ja soit ce que François vaillent mieuz sanz compareson que Gascoin, et en force et en hardiece, totes voies furent-il là li poior[3], por ce meesmement que il estoient desporveu, et pour les forz destroiz du païs où il se combatoient. En cel assaut furent occis aucun des plus nobles homes de son palais, que il avoit faiz chevetains et ductors des batailles ; et li Gascon s’esparpellierent tantost et se ferirent es fortereces des montaignes. Pour ceste mesaventure fu li rois moult dolenz ; car ceste meschaance li abessa en partie l’onor et le los des nobles faiz que il avoit devant faiz en Espagne. Li Saine, qui orent oï noveles de ceste aventure et cuiderent que li rois eust
- ↑ Suivant quelques auteurs arabes, Charlemagne aurait échoué dans sa tentative de prendre cette ville (Reinaud, op. cit., p. 95, n. 1).
- ↑ Le désastre de Roncevaux eut lieu le 15 août 778 (Romania, t. II, p. 146). Voir aussi sur ce fait Vita Karoli imperatoris, chap. ix. Éginhard y donne les noms de quelques-uns des plus illustres morts, « Eggihardus regiæ mensæ præpositus, Anselmus comes palatii, et Hruodlandus Brittannici limitis præfectus » ; ce dernier est le héros de la Chanson de Roland. D’après une note de l'Histoire littéraire de la France, t. XVIII, p. 720, n. 1, le souvenir de Roncevaux se serait perpétué jusqu’à nos jours dans certaines parties des Pyrénées.
- ↑ Li poior, les moindres, inférieurs.
