[1]Quant li prins tens fu repairiez et la saisons renovelée, li rois s’apareilla derechief pour ostoier en Saisoigne ; car il ot noveles oïes que li Saine se restoient revelé contre lui plus fierement que il n’avoient ainques fait devant. Avant que il se partist de cele vile où il ot yverné, fu morte sa fame la roine Hildegarde en la seconde kalende de may[2]. Le cors fist enterrer sollempnement, si com il aferoit, et puis mut en Saisoigne, si come il avoit proposé. Il entendi que li Saine s’estoient assemblé en un lieu qui a non Theomel[3], et que il s’aparreilloient à bataille contre lui de tot lor effort. Vers cele part torna son chemin si tost com il pot ; bataille lor rendi si fort que poi eschapa de gent de si grant nombre com il estoient, que tuit ne fussent occis. Après cele victoire se parti du champ et s’en ala en un autre lieu qui a non en lor langue Padrabunum[4] ; là fist tendre ses herberges pour atendre une partie de son ost que à li devoit venir. Tandis com il demoroit encores en ce lieu, noveles li vindrent que li Saine qui de la bataille estoient eschapé, et quanque il pooient avoir de secors de totes parz, estoient assemblé es contrées de Winstephale[5], sor une iaue qui a
Page:Viard - Grandes chroniques de France - Tome 3.djvu/88
Le texte de cette page a été corrigé et est conforme au fac-similé.
il mut en Saisoigne par III foiz ou par IIII ; coment il se vencha des François orientiex qui, contre li, s’estoient revelé par mauvais conseil.
