que la roine fu retornée et ele leur ot contée la response l’empereor, il l’envoierent tantost en essil en l’abeïe de sainte Raagonde.
[1]Entor le moys de may, Lothaire, li i des fiuz l’empereor, vint de Lombardie ; à Compigne ala droit où li peres estoit lors. Tantost s’en alerent à lui li traiteur pour essaier se il le porroient esmovoir contre le pere et traire de leur partie. Et tout li pleust-il par aventure ce que li traiteur avoient fait ; toutes voies ne fist-il au pere ne honte ne vilenie. A Heribert, le frere Berart, firent li traiteur sachiez les ieuz, dont li empereres fu moult dolenz. A i autre, qui ses cousins estoit, si avoit non Odes, firent metre jus le baudré de chevalerie[2] et l’envoierent en essil, pour ce, disoient que cit dui estoient corpable du fait que il metoient sus à Berart et à la roine.
En telle tribulation demora li empereres tout cel esté, si n’avoit d’empereor fors le non, et quant ce vint vers le moys de septembre, li traiteur tendoient à ce que il peussent faire un parlement en aucun lieu de France. Mais li empereres, qui plus se fioit aus Alemanz que aus François, pour ce que li traiteur les avoient ausi comme touz deceuz, ne se acordoit pas, ainz travailloit à son povoir repostement, que il fust assemblez en aucun lieu d’Alemagne. Toutes voies, fu-il fait ensi com il le desirroit, et fu li parlemenz criez à Maience[3].
- ↑ Vita Hludowici imperatoris, chap. xlv.
- ↑ « Armis ablatis. »
- ↑ On a dans le texte latin « in Neomago », ce qui désignerait Nimègue. « Ubi Saxones et orientales Franci convenire potuissent », disent les Annales Bertiniani (année 830), car l’empereur avait plus de confiance dans les Germains que dans
