conte Richart, et leur commanda que li cuens Richart et li abbés Fouques li raportassent la response de Lothaire, et que li abbés Raimbaut s’en alast tout outre jusques à Rome pour conseil querre d’aucuns cas à l’apostoile Gregoire[1] et pour li faire asavoir la volenté l’empereor d’aucunes besoignes. Au mandement l’emepereor respondi Lothaires que volentiers feroit rendre les choses qui avoient esté tolues à aucunes eglises de Lombardie ; mais le commandement que il li mandoit d’aucunes autres choses ne porroit-il garder ne acomplir.
Atant se partirent li message et retornerent à l’empereor qui ja estoit retornez, il et ses oz, de Frise et avoit les Normanz chaciez de la terre. En son palais de Franquenefourt[2] le troverent. Là estoit demorez en deduit de bois tout le moys de septembre[3]. Après cele saison s’en ala pour yverner à Es la Chapelle[4], et li abbés Raimbauz qui fu alez jusques à Rome, si com il li fu commandé, trova l’apostoile Gregoire malade de flus de sanc, et jasoit ce que il li laschast aucune foiz par ailleurs, il le rendoit ausi comme continuement parmi les narilles. Mais il fu si très liez de la venue le message l’empereor, que il maismes dist que il avoit ausi comme toute obliée sa maladie. Ovec soi le fist man-
- ↑ Grégoire IV, qui mourut en 843.
- ↑ Francfort.
- ↑ Pendant l’automne, dit la Vita Hludowici, « ubi ipse autumnalem exercens venationem ». Primat traduit généralement « autumnalis venatio » par « tout le mois de septembre ». Cf. chap. xxii, p. 142.
- ↑ Vita Hludowici imperatoris, chap. lvi.
rait été probablement abbé de Flavigny (Côte-d’Or) ; il serait mort en 840 (Gallia christiana, t. IV, col. 456-457).
