pin son frere en Lombardie ; de la conspiration Lothaire[1] contre son pere, et puis comment li rois Loys quita au païs d’Aquitaine les treuz des blez que il li devoient.
Li tierz parole des messages aus Sarrazins et dou mariage au roi Looys ; comment il ferma chastiaus et citez ; comment il prist pluseurs citez en Espagne ; comment il sui son pere en Saisoigne ; comment li empereres visita Bretagne et Normandie ; coment li rois Looys fist jugement des Gascoins selonc leur faiz.
Li quarz parole comment li rois Looys entra en Espagne a trois oz ; comment il prist Barcinone, et de la famine qui fu dedenz la cité, et comment ses peres li enveoit Pepin[2] son frere en secors. Après, comment il entra derechief en Espagne et aseja la cité de Tortouse, puis retorna en Aquitaine.
Li v, comment il envoia ses oz en Espagne seur la cité de Barcinone et de Tortouse ; comment il firent nés pour passer le flum d’Yberies ; et comment il furent aperceu ; et puis de leur victoire contre Abandon, le duc de Tortouse. Après, comment li rois maismes vint au prendre la cité, et puis comment ses genz assegierent la cité de Dosque et gasterent tout le païs.
Li vi, comment li rois s’apareilla contre les Gascons, en leur terre entra et les contrainst à venir à merci, et de l’agait que il li bastirent au retor ; comment il reforma l’us de chanter et de lire en son roiaume ; des eglises que il restora ; de la pais où ses roiaumes estoit et de la mort de ses freres.
