parçonier de la traïson ne se vout li empereres autrement vengier, mais que il les fist degrader de leur ordres par leur compagnons evesques, et les fist tondre en religion[1]. A touz les autres, fors à ceus qui ci sont nommé, ne vout ainques tolir ne vie ne membre, mais que li un en furent tondu en abbaïes, et li autre envoié en essil.
Après ce, revindrent noveles à l’empereor que li Breton ne li voloient plus obeir ne estre de sa segneurie ; ainz apareilloient armes contre li et avoient ja fait un roi qui avoit non Marmanons[2]. Mais li empereres ne mist pas ceste besoigne en delai, ainz apareilla ses oz hastivement pour entrer en leur terre. En la cité de Vanes tint parlement et puis entra en Bretagne. En poi de tens et à poi de travail destruist tout le païs, ne ne vout ainques cesser jusques a tant que Marmanons leur rois fu occis. Si l’occist Choslo qui estoit garde des destriers le roi. Puis que leur rois fu occis, toute Bretaigne fu abatue et vaincue ; tuit vindrent à l’empereor à merci, à tel condition com il li plairoit. Ostages donerent tiex com il demanda, de la terre ordena à sa volenté,[3]et puis retorna en France par la cité d’Angiers. Là estoit la roine Hermenjarz qui longuement avoit esté malade. Puis que li empereres fu là venuz, ves-
- ↑ Louis le Débonnaire fit en même temps tonsurer et enfermer dans des monastères ses frères naturels Drogon, Hugues et Thierry « ad discordiam mitigandam », dit Thegan, chap. xxiv.
- ↑ Le nom de ce chef breton est Morvan. Il est appelé « Murman, Murmanus » (Ermoldus Nigellus, livre III. Cf. Pertz, Scriptores, t. II, p. 489 et suiv.). Sur cette expédition, voir A. de la Borderie, Hist. de Bretagne, t. II, p. 7 à 23.
- ↑ Vita Hludowici imperatoris, chap. xxxi.
