droient le chastel. Et li roys le fist volentiers et les prist à merci. Le roy et son ost torna vers i chastel que l’en apelle Vetone[1], et tantost comme il furent devant, il commencierent à paleter et à lancier ; si fu tantost pris. Mout fu le roy liez de ce qu’il defouloit ainsi ses anemis tout à sa volenté, et li estoit bien avis que Nostre Sires conduisoit son ost.
Il se parti de Vetone et vint à i chastel que l’en nonme Mautat[2]. Cil du chastel commencierent à lancier et à euls deffendre, mais poi leur valut car les François les avironnerent de toutes pars, si que ceus du chastel ne sorent ausquiex aler. Quant il se virent si seurpris, si se rendirent sauves leur vies. Il avoit enmi le chastel une tour grant et forte et deffensable ; le roy commanda qu’elle feust abatue. Les mineeurs alerent tant entour qu’elle fu enversée et menée à néent. Le roy passa outre et vint au chastel de Thori[3] qui fu Eblon de Rochefort. Cil qui el chastel estoient virent l’ost venir plain de nobles conbateeurs ; si sorent bien qu’il ne porroient longuement durer ne soustenir la puissance le roy. Si s’en vindrent touz nus, sanz armes, encontre le roy ; si li rendirent le chastel, et tantost le roy le fist garnir de sa gent. Le roy se parti de sa gent et vint à i chastel que l’en apelle Aucerne[4],
- ↑ Vétone serait Tonnay-Boutonne, Charente-Inférieure, arr. de Saint-Jean-d’Angély, ch.-l. de cant.
- ↑ Mautat, auj. Matha, Charente-Inférieure, arr. de Saint-Jean-d’Angély, ch.-l. de cant.
- ↑ Thors, Charente-Inférieure, arr. de Saint-Jean-d’Angély, cant. de Matha.
- ↑ Dans le texte latin de G. de Nangis, cette localité est appelée : Aucerrium ; dans le texte français : Aucerne, avec la vairante Aucuerre. Son emplacement n’est pas déterminé. M. Bé-
