pacefier et acorder ensamble. Onques pour priere ne pour mandemant que cil seussent fere, le soudan de Halape ne se volt acorder. Quant le soudan de Baibloine sot qu’il ne se vouloit acorder, si manda ii amiraux devant lui et leur commanda qu’il alassent assegier la cité de Camelle[1], et qu’il se hastassent mout d’assaillir et de prendre la cité pour le temps d’yver qui aprochoit, et que tuit cil dedenz feussent mis à chetivoison s’il ne se rendoient.
Tantost les ii amiraus vindrent devant Camelle atout granz genz et assegierent la ville de toutes pars. Si comme il estoient devant la cité, une grant ravine d’iaue s’en vint devers les montaignes en l’ost, qui enporta grant partie de leur garnisons et de leur bestes, et euls meismes s’enfouirent. Bedouins qui bien virent leur domage, leur coururent sus et en pristrent assez et mistrent en leur prisons. Quant les ravines des eaues furent passées, les ii amiraus ralierent leur genz et rassamblerent ensamble et s’en vindrent derechief devant la cité. Le soudan de Halape qui bien sot leur contenance et leur meschief se hasta mout de venir seur euls atout grant gent, ne n’atendoit fors que la tempeste des eaues feust passée. Si li vint au devant le message au califfe et l’amonnesta de par son mestre que il feist pais au soudan de Baibloine, et li monstra et dist que mout de pertes et de domages vendroient à la sarrazine gent s’il ne s’acordoient ensamble, car crestiens venoient devers occident pour destruire la loy Mahommet. Et se il avenoit que Sar-
- ↑ Sous ce nom ou sous le nom de Chamelle, comme dans Joinville (§§ 533, 534, 536, 537), on désigne la ville d’Émèse sur l’Oronte, auj. Homs en Syrie.
