poi en y avoit qui se poissent aidier. Et avoec ce qu’il estoient si domagié de diverses maladies, orent-il souffretes de viandes et que pluseurs defailloient par fain, car les vessiaus ne pooient venir parmi la riviere ne rienz aporter par devers Damiete, pour les Sarrazins qui leur aloient encontre ; et prinstrent ii vessiaus qui aportoient grant foison de vitaille et moult d’autres biens, et ocistrent touz ceus qui dedenz estoient, si que viandes faillirent aussi comme du tout, et soustenance aus chevaus ; si chairent en desconfort et en grant paour. Adont leverent le siege devant la Maçourre et se mistrent au retour vers Damiete[1].
Si comme le roy de France et sa gent estoient au chemin pour retorner à Damiete, Sarrazin s’aperçurent qu’il lessoient le siege ; si s’armerent et commanderent que tuit cil qui porroient armes porter ississent hors por les pelerins desconfire, et s’en vindrent à eus a si grant plenté de gent d’armes que à paines pooient estre esmé. Le roy ne sa gent qui estoient foibles et malades ne se porent deffendre contre si grant gent, et leur fu fortune si contraire que tuit furent pris et une grant partie occis ; mais ce ne fu pas sanz grant
- ↑ Saint Louis donna ordre de revenir sur Damiette le mardi 5 avril 1250 au soir (Joinville, § 304).
- ↑ Guillaume de Nangis, Vie de saint Louis, dans Rec. des Hist. des Gaules et de la France, t. XX, p. 376-379 ; Chronique latine, t. I, p. 205-206 ; Vincent de Beauvais, Speculum historiale, liv. XXXI, chap. c. Cf. Joinville, chap. lxii, et Mathieu de Paris, t. V, p. 157-159.
