munement coururent à assaillir le chastel aussi comme se il ne doutassent nul peril. Là fu l’assaut grant et aspre des François, si que cil du chastel furent touz espoentez de ce qu’il se virent assaillir de toutes pars si aigrement ; si s’en torna une partie en fuie si coiement, que les François n’en sorent rienz. Bouchart de Vendôme vit une porte ouverte ; si se feri el chastel tout le premier et Jehan son frere. Là se combatirent asprement les ii freres et ferirent tant à destre et à senestre qu’il firent voie à ceus qui après eus venoient, et que la porte fu toute porprise de la gent le conte, et que François i entrerent conmunement. Quant cil du chastel se virent si avironnez, si furent si espoentez qu’il commencierent à fouir. I escuier qui estoit après le conte de Vandôme prist sa baniere et la porta en une haute tor, si que cil qui dehors estoient la porent veoir. Si commencierent à courre vers le chastel et entrerent es portes qu’il trouverent ouvertes viguereusement, et quanqu’il encontrerent de leur anemis mistrent à l’espée, et prinstrent le chastel qui mout estoit bien garniz de vins et de viandes[1].
Le premier jour du quaresme[3] fu le chastel de Saint Germain pris. Quant l’ost de France se fu reposée, le