basse si qu’il ne porent passer outre ; si s’arresterent delez i pont qui estoit sus la riviere et atendirent leur anemis qui venoient contre euls, et deffendirent le pas contre la gent dant Henri. Quant dant Henri vit que sa gent ne porent passer, si s’en ala costoiant la riviere a tout une partie de sa gent jusques à i passage qu’il trouva, et quant il fu outre, il s’en vint tout le rivage jusques aus Prouvenciaus qui deffendoient l’entrée du pont et se ferirent en euls par desriere ; si les enclost, et quant il se virent enclos, il se espoenterent et cuidierent tuit estre ocis ; si tornerent en fuie vers les montaignes droit à la cité de Laigle[1], et lessierent leur capitaine a tout i poi de François qui forment le deffendirent. Seur Henri de Cousances qui portoit les armes le roy, torna tout le fais de la bataille, car ses anemis li coururent sus asprement pour ce qu’il cuidierent que ce feust le roy. Si le detrenchierent et desmembrerent tout. Jehan de Cleri et Guillaume l’Estandart se combatirent tant viguereusement, et firent tant par les cops de leur espées, qu’il percierent tout outre la presse de leur anemis et vindrent au roy Karle qui leur venoit en aide. Quant les barons virent la prouece des ii chevaliers, si les prisierent mout et pristrent grant example de bien fere en cele jornée. Dant Henri qui ot veu les Prouvenciaus fouir les chaça tant qu’il en ocist et prist une partie ; et commencierent à crier les Espagnols : « A la mort ! A la mort ! tuit serez pris et retenu, car Kalot vostre roy est mort. » Le roy Karle qui ot veu sa premiere bataille ainsi desconfite fu mout troublez en cuer ; et quant il ot i poi pensé,
- ↑ Laigle. Aquila, Italie, ch.-l. de la prov. d’Aquila dans les Abruzzes.
