qu’il tenoit dant Henri d’Espaigne et que volentiers li rendroit seur telle condition qu’il ne receust mort ; mès touz jorz feust en sa prison pour ce qu’il ne perdist sa messe, et le roy li otroia volentiers.
Raoul d’Aucoi[1], qui estoit i des plus nobles hommes d’Alemaigne eschapa par dons et par promesses que il fist à Adenot le Cointe qui estoit de Paris, qui le prist en la bataille et l’en amena en sa tente. Et quant il li ot assez donné et promis, il le lessa aler en la presence d’une fame qu’il maintenoit. Si avint l’endemain que cil Raouls fu delivrés, que Adenot bati celle fame pour ce que il estoit en soupeçon d’un des clers le roy. Et quant il l’ot batue et foulée aus piez, elle s’enfoui vers les tentes et commença à crier par tentes et par paveillons : « Prenez, prenez le traitre le roy qui a lessié aler Raoul d’Aucoi un des plus granz anemis le roy. » Cil Adenot fu pris et fu la chose provée et congneue ; si fu cil Adenot jugiez et penduz, et Raoul d’Aucoi fu fet roy d’Alemaigne.
Ces choses ainsi fetes, le roy amena avoec lui ses prisonniers tout droit à Naples pour fere droit jugement d’eus selonc leur meffet. Si fist assambler touz les sages hommes du païs et leur requist que il feissent
