Page:Viard - Grandes chroniques de France - Tome 7.djvu/306

La bibliothèque libre.
Le texte de cette page a été corrigé et est conforme au fac-similé.

et vindrent le jour de la saint Ernoul[1] au port de Tunes qui est dessouz Carthage[2]. Tantost le roy envoia l’amiraut de la mer devant pour enquerre et pour encerchier s’il avoit nul empeechement au port pour prendre terre, et qu’il seussent à dire des nez à qui il estoient et quiex genz il avoit dedenz. L’amiraut ala cele partie et trouva ii naves tutes vuides, qui estoient aus Sarrazins de Thunes, et les autres estoient aus marcheanz. Il prist tout et mist en sa seignorie et puis descendi à terre et manda au roy ce qu’il avoit trouvé et qu’il li envoiast aide. Le mestre des arbalestiers ala celle part de par le roy et raporta nouvelle que l’amiraut avoit pris terre. Le roy ne les barons ne pristrent pas terre celle vesprée, dont il furent mal avisez, quar Sarrazin qui la nouvelle sorent, vindrent au matin à pié et à cheval avironner le port de toutes pars. Mais la galie le roy où il avoit grant foison de genz d’armes se feri au port et prinstrent terre en la place meismes où l’amiraut avoit esté. Les Sarrazins furent espoentez de ce qu’il prinstrent terre ; si se reculerent en i anglet, en une ille petite, ne n’oserent plus avant venir. Et les François se mistrent fort et entrerent en une ylle qui tenoit ii milles de lonc, et commencierent les sodoiers à querre eaues douces. Tant alerent cerchant qu’il en trouverent, et Sarrazins qui les espioient leur coururent sus et en ocistrent jusques à x ; les autres furent rescous des François ; et Sarrazin s’enfouirent,

  1. La Saint-Arnoul est le 18 juillet ; c’est le jour où les croisés débarquèrent. « Erat autem dies Veneris in festo S. Arnulphi, quando Franci ad portum occupandum de navibus exierunt » (G. de Nangis).
  2. La flotte française partie de Cagliari le mardi 15 juillet arriva devant Tunis le jeudi 17 (G. de Nangis). Cf. Lenain de Tillemont, t. V, p. 151, et d’Achery, Spicilège, t. II, p. 550.