Page:Viard - Grandes chroniques de France - Tome 7.djvu/83

La bibliothèque libre.
Sauter à la navigation Sauter à la recherche
Le texte de cette page a été corrigé et est conforme au fac-similé.


Audon[1]. Tantost mist le siege de sa gent tout entour et fist traire et lancier à ceus dedenz tant qu’il ne porent endurer la force le roy ; si se rendirent. Quant ce chastel fu prins, le roy s’en ala à i autre que l’en apelle Chanciaus[2]. Cil dedens orent trop grant paour quant il virent si grant ost et si efforciement venir encontre euls. Tuit li puissant home issirent dou chastel et porterent les clez au roy et se rendirent, sauve leur vies. Le roy fist tantost garnir le chastel de sa gent et le tint en sa main et en sa garde. Quant le duc aperçut sa grant force, si li chai son orgueil, et mua son corage. Si manda à son frere le conte de Dreues[3], qui mout estoit bien du roy, et à ses autres amis, que il feissent tant que le roy se vousist souffrir de sa terre gaster. Quant le conte sot le mandement son frere, si en fu mout lié, car il se doutoit qu’il ne perdist sa terre. Si pria tant le roy qu’il le reçut à merci en tel maniere que il donna pleges et seurté qu’il ne vendroit plus contre le roy[4]. Lors fu mandé le duc devant le roy et jura seur saintes euvangiles que jamais ne vendroit contre lui, et li fist homage devant les barons qui là estoient venu, et donna bons pleges et bons ostages

  1. Audon, auj. Oudon, Loire-Inférieure, arr. et cant. d’Ancenis.
  2. Chanciaus, auj. Champtoceaux, Maine-et-Loire, arr. de Beaupréau, ch.-l. de cant.
  3. Robert III dit Gatebled. La majeure partie de la fin de ce chapitre est tirée d’autres sources que celles de Guillaume de Nangis qui ne parle pas de l’intervention du comte de Dreux.
  4. Il est fait allusion ici aux trêves que Pierre Mauclerc conclut avec Louis IX, au mois de juillet 1231, après la trêve de Saint-Aubin-du-Cormier signée le 4 juillet 1231 avec Henri III, roi d’Angleterre (Layettes du Trésor des chartes, t. II, no 2144). Cf. É. Berger, op. cit., p. 198-199.