varre, pour ce que Huistace, qui la terre gardoit de par le roy de France les vouloit corrigier d’aucunes mauvaises coustumes qu’il maintenoient ou pays. Si envoia hastivement Robert conte d’Artois et Ymbert de Biaugeu[1], et leur commanda qu’il secourussent hastivement son chevalier et sa gent qui de par li y estoient alez, et qu’il prissent en leur aide ceulz de Thoulouse et de Carcassonne et de Pierregort[2], et qu’il appellassent en leur aide Gascon de Biart et le conte de Fois[3]. Le conte d’Artois se hasta moult de faire la volenté le roy et mena avec lui jusques à xxm hommes, que à pié que à cheval. Tant alerent que il vindrent à i chastel qui a non Mollans[4] ; si s’arresterent ilec tant qu’il fussent conseilliez comment ne par quel voie il pourroient entrer en Navarre.
Endementres qu’il estoient en ce point, un prince de Navarre qui avoit non Sanses[5] s’apperçut et s’avisa que il avoit mespris de ce qu’il avoit esté contre le roy de France ; si ne voult plus estre contraire à la gent le roy ne faire nul encombrement. Garse Morans[6] s’estoit corroucié de ce qu’il s’estoit ainsi torné devers le roy de France ; si le fist espier comment il le pourroit trouver en tel point qu’il le peust occirre. Si avint que
- ↑ Humbert de Beaujeu, seigneur de Montpensier, connétable de France, mourut en 1285 (P. Anselme, Hist. généal., t. VI, p. 89).
- ↑ G. de Nangis ajoute Beaucaire « et Belliquadri ».
- ↑ Roger-Bernard III, comte de Foix.
- ↑ Mollans, auj. Morlaas, Basses-Pyrénées, arr. de Pau, ch.-l. de cant.
- ↑ Don Pedro Sanchiz, seigneur de Cascante.
- ↑ G. de Nangis désigne Garcia Almoravit comme « regis Franciæ adversariorum principem et capitaneum ».
