perdirent. Mais l’endemain par matin les François coururent à l’assaut. Quant ceulz de la ville virent ce, si requistrent et manderent que le roy leur donnast respit jusques à iii jours[1], tant que il eussent parlé ensemble et qu’il fussent tout d’un acort, et puis si liverroient la ville au roy et à son commandement. Le roy leur ottroia volentiers. Endementres qu’il avoient les trives et qu’il ne furent point assailliz, il vindrent au plus haut de la ville et mistrent le feu sus une tour, que le roy d’Arragon le peust veoir, qui n’estoit pas moult loing d’ilec, car il avoient esperance qu’il les vendroit secourir. Quant le roy aperçut leur barat, si commanda tantost à l’assaut.
Le legat sermonna et prescha aus François et prist touz les pechiez sus li, qu’il avoient onques faiz en toutes leurs vies, mais que il alassent sus les anemis de la crestienté bien et hardiement et qu’il n’i espargnassent riens, comme ceulz qui estoient escommeniez et dampnez de la foy crestienne. Quant les François oïrent ce, si crierent à l’assaut à pié et à cheval, et geterent et lancierent à ceus dedenz. Tant aprochierent des murs qu’il leverent leurs eschieles contremont, et hurterent aus murs tant qu’il en firent trebuschier une grant piece et un grant quartier. Il brisierent les portes et abatirent les murs en pluseurs lieux ; si se bouterent enz de toutes pars ; si commencierent à crier à mort et à occirre hommes et femmes sanz espargnier. Quant le peuple de la cité se vit si seurpris, si commencierent à courre vers la maistre
- ↑ « Fingentes se velle ad invicem de reddenda civitate consilium habituros » (G. de Nangis).
