France delez son pere le roy Loois et joignant sa femme Ysabiau d’Arragon royne de France ; lesquielz Phelippe et Ysabiau[1] sont maintenant eslevez de terre par ii piez ou environ, en belle tumbe de marbre bis, en biaux ymages d’alebastre richement et merveilleusement ouvrez de très noble et gentil euvre, lesquiex aucuns venans en l’eglise Saint Denis en France, pueent veoir aussi gentement mis à la destre partie du moustier en une huche delez saint Loys.
Duquel cuer au roy Phelippe, il fu après determiné par pluseurs theologiens, que le roy ne les moines ne le pourroient donner sanz la dispensacion du pape. Et lors après, Phelippe successeur de son pere fu coroné à Reins, entre li et la royne Jehanne sa femme, en roy de France, le jour de la Thifaine[2]. Icelui Phelippe qui mourut en Arragon ot ii femmes, dont la premiere fu la royne Ysabel fille le roy d’Arragon, dont il ot iii enfanz : Loys qui mourut en s’enfance[3], et Phelippe le biaux qui regna après lui, et Challes conte de Valois. Yceste royne Ysabel mourut au retourner de Tunes, et furent ses os enterrés en l’eglise monseigneur Saint Denis en France, si comme je vous ay devant dit. L’autre royne que ce roy Phelippe ot après la royne Ysabel, fu la royne Marie fille le duc de Breban ; duquel roy demourerent à la royne iii enfanz : Loys[4] le conte de la cité de Euvrex ; Marguerite[5] la
- ↑ D. Félibien, dans son Hist. de l’abbaye de Saint-Denis, p. 551, donne l’épitaphe de la reine Isabelle.
- ↑ Le jour de l’Épiphanie, le 6 janvier 1286.
- ↑ Cf. ci-dessus, chap. xxii.
- ↑ Louis de France, créé comte d’Évreux par Philippe le Bel en avril 1307, mort le 9 mai 1319.
- ↑ Marguerite épousa Édouard Ier, roi d’Angleterre.
