Page:Viard - Grandes chroniques de France - Tome 8.djvu/319

La bibliothèque libre.
Le texte de cette page a été corrigé et est conforme au fac-similé.

En ce meismes an, Pierre de Gavastone, duquel l’en a parlé par devant, fu pris du conte de Lencastre en i chastel et ses complices avec lui, et li fist l’en coper la teste honteusement[1], dont le roy d’Angleterre fu moult courrouciez ; mais la pais en fu faite par ii cardinaux qui avoient esté envoiez du pape en Angleterre.

Et en ce temps, environ Noël, nasqui i filz au roy d’Angleterre de Ysabel sa femme, fille du roy de France, lequel fu appellé Edouart[2].

Et en cest an, Symon[3], qui premierement avoit esté evesque de Noion et de Biauvès, si mourut ; auquel succeda Jehan de Maregni, frere Engorran de Marigni, chantre de Paris.


LXVIII.
Comment les enfanz le roy furent fais chevaliers[4].

En l’an de grace après ensuivant, M CCC XIII, Phelippe le Biaux roy de France, Loys son ainsné filz roy de Navarre, avec ses ii autres filz ; c’est à savoir Phelippe conte de Poitiers et Charles conte de la Marche, et pluseurs grans maistres et nobles[5], le jour de la Pen-

  1. Le19 juin 1312. Voir ci-dessus, p. 271.
  2. Édouard III naquit le 13 novembre 1312.
  3. Simon de Clermont-Nesle, évêque de Noyon en 1297, fut transféré à Beauvais en 1301 et mourut le 22 décembre 1312. Jean de Marigny, qui lui succéda, fut transféré à Rouen le 14 mai 1347, et mourut le 27 décembre 1351.
  4. Continuation de la Chronique latine de Guillaume de Nangis, éd. Géraud, t. I, p. 395-398, et Rec. des Hist. des Gaules et de la France, t. XX, p. 607.
  5. La Continuation de G. de Nangis donne au moins les noms