Page:Viard - Grandes chroniques de France - Tome 8.djvu/59

La bibliothèque libre.
Le texte de cette page a été corrigé et est conforme au fac-similé.

longuement et respassa et gari a grant paine. Ainsi qu’il estoit en tel point, nouvelles li vindrent que le roy d’Engleterre son pere[1] estoit trespassé de ce siecle et que les barons d’Angleterre le mandoient pour estre coronné. Il fist aprester sa navie et entra en mer, et vint en Sezille et fu honnoré et receu du roy Charles, et li donna grans dons et li fist grans cortoisies. D’ilec se parti et s’en vint droit en Gascoigne qu’il tenoit adonques en fié du roy de France, et sejourna grant piece de temps avesques Gascon de Biart[2] nobles hons et de grant puissance. Puis se mist au chemin et s’en vint en France et fu honnoré de plusseurs barons et de haus homes. Donques se mist au chemin et s’en vint au port de Wissant et passa oultre en son pays. Nostre propos n’est pas de descrire les hystoires des roy d’Angleterre, nous nous en tairons atant se ce ne sont incidences.


X.
De la mort au roy Thibaut sages et bons[3].

Si comme le roy Phelippe sejornoit en la cité de Trapes et l’ost se reposoit[4] pour la grant tempeste qu’il

  1. Henri III, qui mourut au mois de novembre 1272.
  2. Gaston VII, vicomte de Béarn. G. de Nangis nous apprend qu’Édouard eut un différend avec lui, mais que Philippe III l’apaisa : « Altercationem aliquantulum habuit. Sed rege Franciæ Philippo mediante, compromisso lis eorum ad tempus sopita quievit. »
  3. Guillaume de Nangis, Gesta Philippi regis Franciæ, dans Rec. des Hist. des Gaules et de la France, t. XX, p. 482-483. Cf. Chronique de Primat, ibid., t. XXIII, p. 84-85.
  4. G. de Nangis dit que l’armée se reposa pendant quinze