Item, depuis environ le commencement de decembre qu’il avoit faite si grant inundacion de pluies jusques au commencement de mars, si avint que depuis ledit moys de mars jusques à grant piece de temps après, il fist si grant secheresce que l’en ne pooit labourer les terres, et en demoura grant quantité sanz estre labourées.
Item, en ce meismes an, le roy de Boesme entra en Ytalie[1]. Et quant les Ytaliens Guibelins le virent et il sceurent qu’il estoit filz de Henri l’empereour derrenierement mort, il le reçurent a très grant joie et a très grant honneur, et se commencierent à soustraire du devant dit Baviere et de sa seignourie, et se sousmistrent lesdiz Ytaliens de touz poins aveques plusseurs de leurs citez audit roy de Boesme. Et depuis lors commença moult la fortune dudit Baviere à decroistre, et ne parloit-on mais pou ou noient de lui.
Item, en ce temps, moult de nobles princes, barons et autres chevaliers s’appareilloient pour aler en Garnate[2], en l’aide des crestiens. Et toute voies, ja soit ce qu’il fussent meuz de grant devocion et de l’amour de la foy, furent-il defraudez, car le roy d’Espaigne avoit
- ↑ Sur l’expédition, en 1330, de Jean, roi de Bohême, en Italie, et son succès auprès de villes telles que Brescia, Bergame, Lucques, Parme, Reggio, etc., voir Villani, dans Muratori, t. XIII, col. 705 à 710.
- ↑ En 1330, les rois de Castille et de Léon, de Portugal, d’Aragon, de Navarre, s’apprêtèrent à marcher contre les Sarrasins (Raynaldi, Annales ecclesiastici, t. V, p. 487 à 491).
(E. Déprez, La papauté, la France et l’Angleterre, p. 75-76). Voir, dans Rymer, t. II, 2e part., p. 816, l’arrangement proposé à Édouard III au sujet de la ville de Saintes par Philippe VI, le 13 avril 1331, et, Ibid., p. 821, l’acceptation par le roi d’Angleterre du 4 juillet suivant.
