ris. Et aveques ce, avoit certaines personnes qui crioient en audience toutes les causes pour lesquelles ledit messire Robert estoit bani. Et fu fait ledit banissement le xix jour de may l’an dessus dit[1].
Item, en ce meismes temps, le roy Phelippe fist les noces à Meleun[2] de Jehan son ainsné filz, nouvel duc de Normendie, et de madame Bonne fille de Jehan roy de Boesme[3], lequel roy avoit esté filz de l’empereour Henri. Et depuis fist le roy son dist filz chevalier en la ville de Paris[4], en la feste de saint Michiel l’archange[5], presens le roy de Boesme, le roy de Navarre[6], le duc de Bourgoigne[7], le duc de Bretaigne[8], le duc de Lorraine[9], le duc de Breban[10], aveques moult d’autres barons, et tant que l’en ne savoit pas bien le nombre. Ce meismes jour, touz presens et en celle meisme feste fu fait le mariage de l’ainsné filz au duc de Brebant[11] à madame Marie fille du roy de France, et l’espousa celle meismes journée.
- ↑ Cf. Lancelot, op. cit., p. 621.
- ↑ Le mariage fut célébré le 28 juillet 1332 (Chronique parisienne anonyme, § 230).
- ↑ Bonne de Luxembourg était la fille aînée de Jean de Luxembourg et d’Élisabeth de Bohême, fille de Venceslas IV.
- ↑ « Au palaiz » (Chronique parisienne anonyme, § 233).
- ↑ 29 septembre.
- ↑ Philippe d’Évreux
- ↑ Eudes IV.
- ↑ Jean III dit le Bon.
- ↑ Raoul.
- ↑ Jean III dit le Triomphant. La Continuation de G. de Nangis et la Chronique parisienne anonyme ajoutent encore Louis, duc de Bourbon, et la Chronique parisienne, seule : Guillaume V, comte de Juliers.
- ↑ Jean de Brabant, duc de Limbourg, qui mourut sans postérité en 1335.
