gleterre qui avoit envoié en Gascoigne monseigneur Berart d’Elebret pour commencier la guerre[1], et si avoit envoié en Flandres pour faire amis et aliances, car il veoit bien qu’il ne pooit bonnement venir à sa volenté s’il n’avoit Flandres de sa partie. Quant le conte sceut ce, si fist faire i parlement à Bruges ; et quant le parlement fu fait, il fist prendre i chevalier de Flandres que on appelloit Courtrisien[2] ; pour quoy ceulz de Gant se courroucierent, si que il distrent que jamais n’enterroient à parlement s’il ne leur estoit rendu. Mais le conte qui ceste chose avoit faite par le commandement du roy de France li fist coper la teste, pour ce que l’en li metoit sus qu’il avoit receu les deniers du roy d’Angleterre contre le roy de France. Quant ceulz de Gant sorent que l’en li avoit copée la teste, si envoierent à ceulz de Bruges qu’il leur vousissent aidier contre le conte, dont les uns s’i accorderent et les autres non. Quant le conte sceut qu’il y avoit de ceulz de Bruges aliez aveques ceulz de Gant, il ala à Bruges, et ceulz de Bruges s’armerent et vindrent contre li ou marchié. Et le conte et messire Moriau de Fiennes vindrent à baniere desploiée contre eulz. Ilec commença la bataille moult fiere[3] ; mais en la
- ↑ La Chronographia, t, II, p. 28, dit qu’Édouard III envoya « multos barones et sagitarios » avec Bernard d’Albret.
- ↑ Siger ou Sohier de Courtrai fut arrêté le 6 juillet 1337 et mis à mort le 21 mars 1338 (voir sur lui Kervyn de Lettenhove, Hist. de Flandre, t. III, p. 170 à 194. Chronographia, t. II, p. 42 à 44, et Jean le Bel, éd. Viard et Déprez, t. I, p. 132).
- ↑ Ce combat eut lieu le 25 avril 1338 (Chronographia, t. II, p. 44, et Froissart, éd. Kervyn de Lettenhove, t. II, p. 528).
Grandes Chroniques donnent beaucoup plus de détails que la Chronique de Richard Lescot et la Continuation de G. de Nangis.
