sa femme retorna à son heritage ; c’est assavoir la conté de Restel, de laquelle conté, ledit conte, en son vivant ne vouloit que elle en joisist combien que le roy li eust
cience, que ce il eust vesqu longuement, que il n’eust tenu ne envers son pere, ne envers ceus qui tenu l’avoient nulles convenances, combien que il les eust jurées.
« En cel meismes temps, li royz Karles prist à fame la suer du roy de Boaigne, jadis filz de l’emperere Henri et conte de Lucenbour, à Prouvins, le jour de feste saint Mahieu l’apostre, en septembre. Et de là, vindrent à Paris, le jour de la feste des reliques, qui est le derrenier jour de septembre, où la feste fu celebrée très sollempnéement ; et vindrent cilz de la ville de Paris jusques à Saint Denis encontre la roine à cheval et à pié en très nobles paremens.
« En cel meismes jour trespassa Giraut Guete1, nez de Clermont en Avergne, qui par sa soutille malice, de petit estat estoit venu en si grant que il fu tresorier de Philippe le lonc. Mès commune renommée estoit que trop presumpcieus estoit et ourguilleus, en oubliant son prumier estat et en faisant assés de molestes et griez et inconveniens au peuple et aus nobles hommes. Dont li roy Karles qui vit son tresor comme tout vuit, mesmement comme son frere eust receu les disiesmes, ne n’avoit eu guerrez et poy avoit despendu et riens paié des grans debtes2, fist arester ledit Giraut et fist faire enqueste sus li, laquelle trouvée, il fu condempné à paier xiiiic millez livres, sans l’amende arbitraire. Et avec tout ce, pour miex savoir la verité dudit tresor et des griez que fait avoit, il fu mis en geynes diverses, si com l’en dit, dont il chei en [fievre] continue et moru en prison au Louvre. Et fu enterrez en l’Ostel-Dieu de la Magdalene povrement, du commandement du roy qui dit que
1. Sur Giraud Guette, receveur de Champagne avant 1316, puis conseiller et trésorier de Philippe le Long, mort le 30 septembre 1322, voir : J. Rouyer, Giraut Guette, trésorier du roi Philippe le Long, Recherches historiques, dans Mélanges de numismatique (1877), t. II, p. 67 à 75 ; Journaux du trésor de Charles IV le Bel, à la table vo Giraudus Gueite et Lehugeur, Philippe le Long, roi de France, le mécanisme du gouvernement, p. 223 à 225, 232.
2. Ms. « delices ».
