Le ms. fr. 10132, fol. 410 ro à 413 vo, donne, à partir de la mort de Charles le Bel, la leçon suivante :
[1]« En icel an, après Noël, li roys Karlez chei en maladie grieve, et tant le tint que au Bois de Vincennes il trespassa la veille de la Chandeleur, et demoura la roine grosse. Et ainssinc le roy trespassé, comme très devot et katholique cresteien fu puis enterrés à Saint Denise comme roys honorablement. Et ainssinc toute la noble lignie et belle du biau roy trespassa en mains de xiii anz, dont tuit orent grant merveille ; mes Diex scet la cause, laquelle nous ne savons.
En cel temps s’assemblerent li barons pour traictier du gouvernement, et ordenerent du royaume. Et pour ce que aucun disoient, mesmement li Englois, que à leur roy appartenoit, de droit et de raison, le royaume de France, comme au neveul et plus prochain, qui filz estoit de Izabel jadis fille du biau Philippe et sueur dudit Karle trespassé ; li François disanz au contraire que fame, ne par consequant son filz ne devoit ne ne povoit par coustume susceder el royaume de France. Et pour tout ce trouble oster, li barons baillèrent, com au plus
- ↑ Cf. Rec. des Hist. des Gaules et de la France, t. XXI, p. 688. Il donne (p. 677 à 689), comme Continuation anonyme de la Chronique de Jean de Saint-Victor, toute la partie du ms. fr. 10132 (ancien suppl. français 218) qui s’étend de l’avènement de Charles IV le Bel (3 janvier 1322) au couronnement de Philippe VI de Valois.
