Cette page n’a pas encore été corrigée
DES FEMMES. 83
JENNETTE,
Je cuide que (fort) s’eschaufferont,
Tant souffleray par cy endroit.
PERNETTE.
Le mien estoit tous jours si froit
Qui n’y a voit chaleur quelconques.
JENNETTE.
Se fondent-ilz, maistre ?
LE FONDEUR.
Quoy doncques ?
Vostre fonderie fort s’approche :
Soufflez, soufflez ; nous aurons cloche,
Car la matière prent très bien.
PERNETTE.
Par mon âme, j’ay veu le mien,
Ce m’est advis, à mon semblant.
JENNETTE.
Mais que j’aye ung jeune gallant,
Il ne m’en chault, quoy qu’il me couste.
LE FONDEUR.
Avant qu’il soit la Penthecouste,
Elle est hien chaulde et soubdaine ;
Vouldroit avoir fièvre quartaine
Avec le cueur bien marry,
Et elle eust son premier mary.
Mais il ne fault plus sonner mot.
PERNETTE.
Sus, esse faict ?
LE FONDEUR.
Tantost, tantost.
