Cette page a été validée par deux contributeurs.
Que tu l’en dès plus chier tenir. »
Sains Jorge qui vost maintenir
Les biens qu’il aveit porposé,
Devant le tirant a osé
Comander tost aler querre
Tos les os et traire de terre.
Sans plus dire et sans plus parler
Fist Daciens à ces os aler.
Il alerent grant aléure :
Quant vindrent à la sepulture,
Il ne porent pas les os prendre,
Tuit estéent torné en sendre.
Ensenble la sendre aporterent
Et devant le saint la poserent.
Li sains s’agenoille en la place,
Deu pria que miracle face.
Mult pitosement vers les nues
Ses mains jointes a estendues,
Et dist : « Deus, qui tot conpassas
Et d’enfer les portes brisas ;
