Poésies de Marie de France (Roquefort)/Fable LXXIX

Ajouter des liens
La bibliothèque libre.

FABLE LXXIX.

Dou Leu et d’un Vileins[1].

Un Leus vint à une rivière,
Mès il ne sot en q’el manière
Outre l’aive péust passer[2].
Un Vilein vit illuec ester
En un batel : si l’apela,
Q’oultre le past mult li preia[3].
Li Vileins dist que nun fereit
Se bun loier de lui n’aveit[4] ;
Geo l’ostrei bien, ce dist li Leus[5],

[a]U batel entrent ambedeus[6].10
De la terre sunt eslungié,
Li Leus a le Vilein proié
[b]Que li désist que il fera :
E li Vileins li cumanda
Qe treiz paroles de saveir
Li déust dire à sun poeir[7].
Jeo vulentiers, li Lox respunt[8] ;
Adunc dréça la teste à-munt[9].
Bien fait qui bien fait, ce savez[10] ?
Dist li Vileins, c’est véritez.20
Qant il orent un poi alez,
Si li a le Vilains rouvé[11]
Qe voir désist ; et il retret
Qe mult fait pis qui si ne fet[12].

Dit li Vileins, or di le tierz ;
Li Lox esteit mult voisierz[13],
N’en voleit mie dire plus,
[c]Ainz que venist à terre sus.
E qant li Leus fu arivez
Au Vilein dist : or entendez ?30
Tut est perdu et lunch et près[14]
Qankes l’en fait pur le malvès.
Fait li Vilens, se Dix m’aïst
De trois coses m’avez veir dit,
Purquoi nel’ vuleies-tu ainz dire.
Dunc cummença li Lux à rire ;
Ne sai, feit-il, mais je cremeie[15]
Que de la nef getez sereie.

MORALITÉ.

As proudomes et aus loiax
Avient suvent damage et max40
De la cumpaingnie as féluns ;
Mauveis en est li guereduns[16].


  1. ↑ C’est le sujet du XXe. conte du Castoiement, Le Vilain et l’Oiselet, man. n° 1830, fo 10 ; vo col. 1, fonds de Saint-Germain, du lai de l’Oiselet, man. nos 7218, 7615, M fo 42, ro col. 1, N. 2, fonds de l’église de Paris ; imprimé dans la nouvelle édition de Barbazan, tom. II, p. 140 et tom. III, p. 114.

    Le Grand d’Aussy, tom. III, p. 113 et tom. IV, p. 238.
  2. ↑ Il pourroit traverser l’eau.
  3. ↑ Il le pria de le passer de l’autre côté de la rivière.
  4. ↑ S’il n’en avoit une bonne récompense.
  5. ↑ Je le veux bien, je vous l’accorde.
  6. ↑ Tous les deux.
  7. ↑ Pouvoir, volonté, choix, plaisir.
  8. ↑ Avec plaisir.
  9. ↑ En haut ad montem.
  10. ↑ Bien travaille celui qui fait le bien.
  11. ↑ Prié.
  12. ↑ Celui qui ne pratique pas le bien agit mal.
  13. ↑ Astucieux, rusé, malin versutus.
  14. ↑ Tout ce que l’on fait pour le méchant, on doit le regarder comme perdu.
  15. ↑ Je craignois qu’en me tirant du bateau, tu ne me jetasses dans la rivière.
  16. ↑ La récompense.
Variantes.
  1. ↑

    Li basteax les porte ambedeus.

  2. ↑

    Qu’il lui déist com il fera
    Et cil alors li demanda.

  3. ↑

    Devant qu’il fust à terre sus.

Récupérée de « https://fr.wikisource.org/w/index.php?title=Poésies_de_Marie_de_France_(Roquefort)/Fable_LXXIX&oldid=10163680 »