Poésies de Marie de France (Roquefort)/Fable LXXVII

Marie de France

Dou Taisson et dou Pors, f. LXXVII

Traduction par B. de Roquefort.
Poésies de Marie de France, Texte établi par B. de Roquefort, Chasseriau, 1820, tome II (p. 320-321).

FABLE LXXVII.

Dou Taisson^[1] et dou Pors^[2].

^[a]Ensi avint ke par un an
En un bois ot planté de glan^[3],
Les Pors i unt mis è chaciez ;
Li Tessun s’est acumpaigniez
Ensemble od ax a requeunut
Que Porc esteit et estre dut.
Quant li Porc vindrent en mesun
Que faire en vit l’occisiun^[4],
Li Taissuns cummence à crier
A renoier, et à jurer10
Que Tessons fu ; ses piez mucha^[5]
Qant od les Pors ù bois ala.

MORALITÉ.

^[b]Suvent avient des véziez^[6]
Qant il cuident estre avenciez,
Autres costumes voelent prenre
^[c]Dunt plusurs funt à ax entenre.
Mès quant il sunt aparcéuz
Tuz-jurs en sunt plus mescréuz.

1. Le Blaireau.
2. Le Grand d’Aussy, in-8^o, tom. iv, p. 183.
3. Grande abondance de glands.
4. Qu’il les vit tuer.
5. Il cacha ses pieds quand il fut question de retourner dans la forêt avec les porcs.
6. Gens rusés.

Variantes.

1. Or si avint qu’en un esté
   Ot en un bos de glant plenté.

2. Cha vient sovent à voisiez.

3. Tant c’à plusors font à entendre.