Poésies (Marie de France)/Fable XXVII

La bibliothèque libre.
Sauter à la navigation Sauter à la recherche

FABLE XXVII.

De l’Ostor cui les Coulons eslirent à Segnor [1].

Culuns [2] demandèrent Seignur,
A Rei choisirent un Ostur [3],
Pur ce ke meins mauz lor fesist
E vers autres les garandist.
Mès qant il ot la Sengnourie,
E tuit furent en sa baillie [4],
Ni ot un seul qui l’aproismast [5]
K’il ne l’uccist è devourast.
Pur ce palla un des Colluns,
Si apela ses compeignuns ;10
Grant folie, fet-il, féismes

[a]Qant l’Ostoir à Roi choisisismes.
Qui nus ocist de jur en jur ;
Mix nus venist que sanz Seingnur [6]
Fussiens tuz tant, qu’aveir cestui,
[b]Ainz nus gardiiens nus de lui,
Ne dutions riens fors son agait [7] ;
Puis ke nus l’awomes atrait [8]
A il tut fait apertement [9],
Ce ke ainz fist céléement [10].20

MORALITÉ.

Ceste essample dist à plusurs
Qui coississent les maus Segnurs ;

De grant folie s’entremetent
Qui en subjectiun se metent,
A crueus hume et à felun
[c]Kar jà n’en auront se mal nun [11]

  1. Phædr, lib. I, f. xxxi. Columbæ et Milvus.
    Rom. Nil., lib. II, fab. xix, idem.
    Anon. Nil, fab. xxii.
  2. Les pigeons.
  3. L’autour, grand oiseau de proie, sorte de grand épervier propre à la chasse au voI, astur,
  4. En sa puissance, en sa juridiction.
  5. Approchât, d’approximare.
  6. Mieux vaudroit que nous fussions encore sans seigneur que d’avoir celui-ci.
  7. Nous n’avions qu’à nous garantir des embûches qu’il pouvoit nous tendre.
  8. Attiré, accueilli.
  9. Ouvertement, sans détour, apertè.
  10. En cachette, secrètement, celatim.
    Variantes.
  11. Ils n’en peuvent attendre qu’une condition malheureuse.

Variantes.

  1. Qant nous à roi l’ostor choisimes.
    Autre version.
    Qant de l’Ostoir no roy fesismes.

  2. Ainz nous gardienz moult bien de lui
    Nos ne doutiens fors son agait.

  3. Jà n’i auront se honte non.