Recueil des lettres missives de Henri IV/1579/17 décembre ― Aux officiers commandant à Aleth

La bibliothèque libre.
Sauter à la navigation Sauter à la recherche



1579. — 17 décembre.

Orig. – Arch. des Basses-Pyrénées. Copie transmise par M. Jubé, sous-chef de bureau au ministère de l’Instruction publique.


[AUX OFFICIERS COMMANDANT À ALETH[1].]

Messrs les officiers, Vous avés en vos prisons d’Aleth ung nommé Bourdet, prisonnier, accusé de trahison et grande desloyauté envers le capitaine Pelut qui luy commandoit et à plusieurs aultres soldats dans le chasteau d’Auriac. Et estant l’acte par luy commis, ainsy que on le m’a faict entendre, si enorme et detestable qu’il merite punition exemplaire en estre faicte, je vous ay voulu escrire ceste lettre, et en vostre absence ou recusation, au plus prochain juge ou prevost non suspect, vous priant faire et parfaire le procez du dict Bourdet, et en faire bonne et prompte justice, suivant la reservation de tels et enormes cas, faicte par l’edict de pacification ; afin que la justice que vous en ferez, selon l’exigence des cas, puisse servir d’exemple à tous aultres. Et pour l’asseurance que j’ay que vous y ferés vostre debvoir, ne vous en feray plus longue lettre, pour prier Dieu, Messrs les officiers, vous tenir en sa saincte garde. De Mazeres, ce xvije jour de decembre 1579.

Vostre bien bon amy,
HENRY.


  1. Petite ville du bas Languedoc, aujourd’hui dans le département de l’Aude.