Recueil des lettres missives de Henri IV/1579/4 novembre ― À mon cousin monsieur de Montmorency (2)

◄

précédente

Henri IV Lettres missives 1579

suivante

►

1579. — 4 NOVEMBRE. – II^me.

Orig. — B. R. Fonds Béthune, Ms. 8833, fol. 48 recto.

À MON COUSIN MONS^R DE MONTMORENCY.

Mon Cousin, Le s^r de Serres^[1] a esté deputé par les esglises de Languedoc pour me venir trouver et me faire entendre leurs affaires, comme il a faict ; et j’ay trouvé ses discours tendans du tout à moyenner une bonne paix et assoupir et esteindre tous differens et dissentions. Qui est cause que je le renvois vers vous, pour les vous reciter, comme il sçaura bien faire, s’il vous plaist l’ouïr. Dont je vous prie, mon Cousin, et luy octroyer les passeports qui luy seront necessaires, pour aller, venir et s’employer en une si saincte legation. N’estant la presente pour aultre effect, je prieray Dieu, mon Cousin, vous avoir en sa saincte et digne garde. De Nerac, ce iiij^e novembre 1579.

Vostre bien affectionné cousin et meilleur amy,

HENRY.

1. Dom Vaissète représente le ministre Serres comme fort accrédité et très-ami de la paix.