Recueil des lettres missives de Henri IV/1582/20 août ― À Forget

◄

précédente

Henri IV Lettres missives 1582

suivante

►

1582. — 20 août.

Orig. — Arch. de la famille Forget de Fresne. Communication de M. le chevalier Artaud de Montor, membre de l’Institut, allié de la famille Forget.

À FORGET,

MON CONSEILLER, ET SECRETAIRE DE MES FINANCES.

Forget, Je ne desire pas moins que vous affectionnez l’affaire que le s^r de la Cassaigne poursuict par delà, que les miennes propres. C’est pourquoy je vous ay voulu faire celle-cy, afin que vous en sollicitiez vivement l’expedition ; et n’espargnez la faveur de ceux que vous penserez y pouvoir servir, et mesme celle de la Royne ma femme, laquelle je veux croire ne s’y espargnera, luy faisant entendre combien je l’ay à cœur : et veux tesmoigner en cela l’amitié que je porte au dit s^r de la Cassaigue. Au reste, je m’atends de jour à autre que vous m’envoiez la commission de Puynormant ; et le plus tost ne seroit que le mieulx, pour me pouvoir servir de ces deniers au rachapt de mes terres (à quoy vous ne ferez faulte), et m’advertir de tout ce qui se passe par delà : priant le Createur vous avoir, Forget, en sa saincte garde.

De Cottrau^[1], ce xx^e aoust 1582.

Vostre bon maistre et amy,

HENRY.

1. Probablement pour Coutras.